ගොවියා ගැන මම කොච්චර මේ ආණ්ඩුව එක්ක කතා කරත් මේ ආණ්ඩුව මට ඇහුම්කන් දෙන්නේ නැහැ. කෘෂිකර්ම ඇමති ඇමැතිවරයා නියරක යන්ඩ දන්න කෙනෙක් නෙමෙයි. මගේ ආණ්ඩුවක් යටතේ දී ගොවියට මේ තරම් ප්‍රශ්න ඇති වෙන්ට ද ඉඩ තියන්නේ නෑ යැයි හිටපු ජනාධිපති මෛත්‍රීපාල සිරිසේන මහතා බකමූණ නගර මධ්‍යයේ ගොවීන් විසින් සිදුකරන අඛණ්ඩ උපවාස අවස්ථාවට එක්ව ගොවීන් සමග සංවාදයේ යෙදෙමින් සඳහන් කර සිටියා.
මොරගහකන්ද සහ ඇලහැර ගොවිජන ව්‍යාපාරයේ ගොවි සංවිධාන 41ක් ඒකාබද්ධව රසායනික පොහොර ලබා දෙන ලෙසට බලකපළකරමින් ඉකුත් 24 වෙනිදා අඛණ්ඩව උපවාසයක් ආරම්භ කරනු ලැබුවා.
” මම කීප වතාවක්ම කෘෂිකෘෂිකර්ම ඇමතිවරයා සමඟ ගොවියාගේ පොහොර ප්‍රශ්නය පිළිබඳව සාකච්ඡා කළා. නමුත් යහපත් ප්‍රතිචාරයක් ලැබුනේ නෑ. යම් යම් රාජ්‍ය අමාත්‍යවරුන් මට මඩ ප්‍රහාර ගහනවා.
ගොවීන් මුහුණ දෙන ප්‍රශ්න නිසා මම කිව්වා පොලොන්නරුවට යන්න විදිහක් නෑ කියලා. ඒක පදනම් කර කරගෙන තමයි ඒ රාජ්‍ය අමාත්‍යවරු මට මඩ ප්‍රහාර ගහන්නේ. ඒවා මම ගණන් ගන්නේ නෑ, යැයි ද හිටපු ජනාධිපතිවරයා ගොවීන් සමග සංවාදයට එක්වෙමින් සඳහන් කර සිටියා.
නැවත බලයට පත්වුවහොත් ගොවීන් වෙනුවෙන් කුමක් කරන්නේදැයි එහි සිටි ගොවි මහතෙකු ඇසූ අතර, ඊට පිළිතුරු දුන් මෛත්‍රීපාල සිරිසේන මහතා සඳහන් කළේ තමා ගොවීන් අමාරුවේ නොදමන බවත්,කාබනික පොහොර භාවිතයෙන් වී ගොවිතැන් ක්‍රමානුකූලව වගා කිරීමට ගොවියා හුරු කරවන බවයි.
ලෝකයේ කිසිදු රටක සීයට සීයක් කාබනික පොහොර භාවිතයෙන් ගොවිතැන් කරන රටක් නෑ. ඕස්ට්‍රේලියාව පවා වගා කටයුතු කරන්නේ කාබනික පොහොර වලින් සීයට 50කින් පමණයි හිටපු ජනාධිපතිවරයා ප්‍රකාශ කළේ.