මහ මැතිවරණය ජයග්‍රහණය කරනු ලැබූ මන්ත්‍රීවරයෙකු පිළිගැනීම සඳහා පොතුවිල් නගරයේ සංවිධානය කර තිබු උත්සවයකට සහභාගිවී යළි නිවෙස් කරා යමින් සිටි පාසැල් ළමුන් පිරිසක් රැගත් ජීප් රථයක් අනතුරට ලක්වීමෙන් ළමුන් 17 දෙනෙකු තුවාල ලබා තිබෙනවා.
පොතුවිල් පොලිසිය සඳහන් කළේ මෙම ළමුන් පිරිස ජීප් රථයක පසු පස සවි කොට තිබු ආධාරකයක් මත නැග ගොස් ඇති බවත් එය එක්වර කඩා වැටීමෙන් ළමුන් තුවාල ලබා ඇති බවයි.
සිද්ධියෙන් තුවාල ලැබූ ළමුන් ගෙන් 05 දෙනෙකු රෝහල් ගත කොට ඇති බවත් සෙසු පිරිස ප්‍රතිකාර ලබා රෝහලෙන් පිටව ගොස් තිබෙනවා.
ජීප් රථය පැදවූ රියදුරා පොලිස් අත්අඩංගුවට ගෙන ඇති බවත් හෙට ඔහු අධිකරණය හමුවට ඉදිරිපත් කරන බවයි පොතුවිල් පොලිසියේ රථවාහන අංශයේ ස්ථානාධිපතිවරයා කියා සිටියේ.