කුරුණෑගල පුරාවිද්‍යා ස්මාරකයකට හානි කිරීම පිළිබඳ අද අපට චෝදනා නඟන සජිත් ප්‍රේමදාස එදා එජාප ආණ්ඩුව යටතේ විජිතපුර පුරාවිද්‍යා ස්මාරක ඩෝසර් කරන කොට නිහඬව හිටියා. ඔහු තමයි ඒ ආණ්ඩුවේ සංස්කෘතික ඇමති. තමන්ට බලය හිමි වූ අවස්ථාවල පුරාවිද්‍යා ස්මාරකයක් තබා නිදන් ගලක්වත් ඉතිරි නොකළ කණ්ඩායම් අද අපට එරෙහිව මඩ අවලාද චෝදනා නඟන බව අග්‍රාමාත්‍ය මහින්ද රාජපක්ෂ ප්‍රකාශ කර සිටිනවා.
කුරුණෑගල පුරාවිද්‍යා ස්මාරකයට හානි කරලා කියලා දැනගත්තාම සංස්කෘතික ඇමතිවරයා විදිහට ඒ සම්බන්ධයෙන් වහාම විමර්ශනය කරන්න විශේෂඥ කමිටුවක් පත් කළා. ඒ වාර්තාව අනුව කවුරු හරි වරදක් කරලා තියෙනවා නම් දඬුවම් දෙන්න අපි පසුබට වෙන්නේ නෑ. ඒ වෙනුවෙන් ගතයුතු නීතිමය පියවර ඉදිරියේ දී ගන්නවා.
සමහරු කියනවා එතන එහෙම මණ්ඩපයක් තිබුණා කියලා, තවත් සමහරු කියනවා එහෙම මණ්ඩපයක් තිබුනේ නැහැ කියලා.
අපේ ආණ්ඩු කාලවල හැමදාම අපි රටේ වටිනාකම ඉහළ දමන්න කටයුතු කළා. පුරාවිද්‍යා ස්ථාන ආරක්ෂා කරන අතර අපේ සංස්කෘතික උරුමය සභ්‍යත්වය පෝෂණය කරන්න කටයුතු කළා. නමුත් එජාප ආණ්ඩු කාලවල මේ රටේ පුරාවිද්‍යා උරුමය හැමදාම නිදන්හොරුන්ගේ අන්තවාදීන්ගේ පරාදිසයක් වුණා. ඒ උරුමය ආරක්ෂා කර ගන්න කිසිම පියවරක් නොගෙන විනාශ වන්නට ඉඩ හැරියා.
එතන රාජසභා මණ්ඩපයක් තිබුණේ නෑ කියලාත් කියනවා..!
Posted by Headline News on Monday, 20 July 2020