නව කොරෝනා වෛරසය සමාජ තුළ ව්‍යාප්තවීමේ වැඩි අවධානමක් පවතින බව වසංගත රෝග විද්‍යා අංශයේ ප්‍රධානි විශේෂඥ වෛද්‍ය සුදත් සමරවීර සඳහන් කර සිටිනවා.
කන්දකාඩු පුනුරුත්ථාපන මධ්‍යස්ථානයේ ඇතිවූ තත්ත්වය සමග එහි සිට නිවාඩු ලබා ගොස් සිටි සේවකයින් පාසැල් වලට, රැස්වීම් ඇතුළුව විවිධ ස්ථානවලට ගොස් තිබීම නිසා ඔවුන්ගේ ආශ්‍රිතයින් හඳුනා ගැනීමේ මෙහෙයුම වැඩිවී ඇති බවයි වසංගත රෝග විද්‍යා අංශයේ ප්‍රධානියා කියා සිටියේ.
ආසාදිත පුද්ගලයෙකු ගෙන් වෛරසය සමාජ ගතවීම පහසුවෙන්ම සිදුවිය හැකි බවත් මේ දක්වා සමාජයට ව්‍යාප්ත වූ කොරෝනා රෝගීන් දිවයිනේ වාර්තා වන්නේ රාජාංගනය ඇතුළුව ප්‍රදේශ 06 කින් බවද ඔහු කියා සිටියා.
පැතිරීමේ අවධානම ඉතාමත් ම වැඩියි! ගමන් සීමා කරන්න..
පැතිරීමේ අවදානම ඉතාමත් ම වැඩියි! ගමන් සීමා කරන්න..
Posted by Headline News on Tuesday, 14 July 2020