සුපිරි සම්බා සහල් කිලෝ 10ක් ඇතුළුව අත්‍යවශ්‍ය භාණ්ඩ වර්ග 20කින් සමන්විත භාණ්ඩ මල්ලක් රු.3998/=කට ලංකා සතොසෙන් ලබා දෙන බව අමාත්‍ය බන්දුල ගුණවර්ධන පවසයි.
ඒ අනුව
සුපිරි සම්බා කිලෝ 10ක්
සුදු සීනි කිලෝවක්
රතු පරිප්පු කිලෝවක්
ඉඳිආප්ප පිටි කිලෝවක්
හාල්මැස්සන් ග්‍රෑම් 500ක්
නූඩ්ල්ස් ග්‍රෑම් 400ක්
මේස ලුණු ග්‍රෑම් 400ක්
පොල්ගෙඩි 2ක කිරි (මිලිලීටර් 330ක පැකට්ටුවක්)
මිරිස් කුඩු ග්‍රෑම් 100ක්
ගම්මිරිස් කුඩු ග්‍රෑම් 100ක්
තුනපහ කුඩු ග්‍රෑම් 100ක්
කහකුඩු ග්‍රෑම් 100ක්
STC තේකොළ ග්‍රෑම් 100ක්
ඇඟ ගල්වන සුවඳ සබන් ග්‍රෑම් 80 කැටයක්
සතොස සඳුන් සබන් කැටයක්
දෑත් සෝදන දියර මිලිලීටර් 100ක්
සෝයාමීට් ග්‍රෑම් 90ක්
ස තොස TFM අගය සහිත රෙදි සෝදන සබන් කැටයක්
පපඩම් පැකට් 1ක්
මුහුණු ආවරණ 10ක්
ඇතුළත් මෙම භාණ්ඩ මල්ල රු.3998/=කට පාරිභෝගිකයා වෙත ලබා දීමට ලංකා සතොස අළෙවිසැල් හරහා අද සිට පහසුකම් සලසා ඇත.
වෙළෙඳපොල සමීක්ෂණයකට අනුව, අනෙකුත් සුපිරි වෙළෙඳසැල් ජාල වලින් මෙම භාණ්ඩ වර්ග 20 මේ ප්‍රමාණයන්ගෙන්ම ලබා ගන්නා විට රු.6521/=, රු.5834/=, රු.5771/= ක් වශයෙන් ගෙවීමට සිදු වූ බවත්, මෙම භාණ්ඩ මල්ල රු.3998/=ක මුදලකට පාරිභෝගිකයා විසින් ලබා ගන්නා විට අවම වශයෙන් රු.1750/=ක වාසියක් ලැබිය හැකි බව ද අමාත්‍යවරයා මෙහිදී පෙන්වා දෙන ලදී.
ලංකා සතොස අළෙවිසැල් නොමැති ප්‍රදේශ වල ජනතාවට ක්ෂණික ඇමතුම් අංක 1998 ඇමතීමෙන් මෙම භාණ්ඩ මල්ල නිවසටම ගෙන්වා ගත හැකිය.