කොරෝනාවෛරසය ආසාදනය වී රෝහල්ගතව ප්‍රතිකාර ලැබූ රෝගීන් තුළ දිගු කාලීන කොවිඩ් රෝග ලක්ෂණ බහුලව දක්නට ලැබෙන බව ශ්‍රී ජයවර්ධනපුර විශ්වවිද්‍යාලයේ ආසාත්මිකතා හා ප්‍රතිශක්ති විද්‍යාව සහ සෛල ජෛව විද්‍යාතනයේ අධ්‍යක්ෂ වෛද්‍ය ආචාර්ය චන්දිම ජීවන්දර පවසනවා.
සිය ට්විටර් ගිණුමේ සටහනක් තබමින් ඔහු මේ බව සඳහන් කර සිටිනවා.
මෙම දිගු කාලීන රෝග ලක්ෂණ කාන්තාවන් අතර බහුලව දක්නට ලැබෙන බවයි ආචාර්ය වෛද්‍ය චන්දිම ජිවන්දර වැඩිදුරටත් සඳහන් කර සිටියේ.
අසාමාන්‍ය ශ්වසන අපහසුතා, කාන්සාව, විශාදය, පපුවේ සහ උගුරේ වේදනාව, විඩාව, හිසරදය සහ මාංශ පේශී වේදනාව වැනි දිගු කාලීන රෝග ලක්ෂණ කොරෝනා අසාදිතයන් තුළ පැවතිය හැකි බව චන්දිම ජීවන්දර මහතා සිය ට්විටර් සටහනේ සඳහන් කර ඇත.
ඉන් 15%ක කාන්සාව සහ විශාදය වැනි රෝග ලක්ෂණ වැඩි වශයෙන් දක්නට ලැබෙන අතර 1.5%ක පමණ අඩු ප්‍රතිශතයක් දක්නට ලැබෙන්නේ මාංශ පේශිවල ඇති වන වේදනා බව ඔහු පෙන්වා දී සිටින්නේ.
මිට අමතරව කොවිඩ් වැළඳුණු රෝගීන් තුළ වෙනත් රෝග ලක්ෂණ 7%ක සුළු ප්‍රමාණයක් ද පවතින බවද ආචාර්ය චන්දිම ජිවන්දර ගේ ට්විටර් සටහනේ වැඩිදුරටත් සඳහන් වනවා.
long-COVID symptoms were more frequent in those who had been hospitalised, and they were slightly more common in women.
— Chandima Jeewandara (@chandi2012) October 2, 2021