අනුරාධපුර ප්‍රදේශයේ පුද්ගලික බැංකුවක් අසල අද (06) උදෑසන සිදුකළ වෙඩි තැබීමක් එක් පුද්ගලයෙක් තුවාල ලබා තිබේ.
අද උදෑසන 6.45ට පමණ එම බැංකුවේ ATM යන්ත්‍රයට මුදල් තැන්පත් කිරීම සඳහා පෞද්ගලික ආයතනයක ආරක්ෂක නිලධාරියෙකු සහ තවත් නියෝජිතයෙකු පැමිණ ඇති බව සඳහන්.
එහිදී යතුරුපැදියකින් පැමිණි පුද්ගලයින් දෙදෙනෙකු අදාළ මුදල් තොගය පැහැරගෙන යෑමට උත්සාහ දරා ඇත. එම අවස්ථාවේදී දෙපාර්ශ්වය අතර පොර බැදීමක් සිදුව තිබෙනවා.
ඒ අතරතුර පෞද්ගලික ආයතනයේ ආරක්ෂක නිලධාරියා සතු ගිනි අවිය ක්‍රියාත්මක වී ඔහු තුවාල ලබා ඇති අතර තුවාල ලැබු පෞද්ගලික ආරක්ෂක අංශ නිලධාරියා ප්‍රතිකාර සඳහා අනුරාධපුර ශික්ෂණ රෝහලට ඇතුළත් කර ඇති බවයි අනුරාධපුර පොලීසිය සඳහන් කළේ.
කෙසේවෙතත් කොල්ලකරුවන්ට මුදල් තොගය රැගෙන පළා යෑමට අවස්ථාව හිමිව නොමැති අතර ඔවුන් පැමිණි යතුරුපැදියෙන් පළාගොස් තිබේ.
මේ සම්බන්ධයෙන් අනුරාධපුර මූලස්ථාන පොලීසිය වැඩිදුර විමර්ශන සිදුකරයි.