අඟුලාන උතුර සහ අඟුලාන දකුණ යන ග්‍රාම සේවා වසම් දෙක මේ මොහොතේ සිට හුදෙකලා කළ බව යුද හමුදාපති ශවේන්ද්‍ර සිල්වා සඳහන් කර සිටිනවා.
මේ අතර අද දිනයේදී තවත් කොවිඩ් ආසාදිතයින් 172 දෙනෙකු වාර්තා වූ බවයි යුද හමුදාපතිවරයා සඳහන් කර සිටියේ. එම ආසාදිතයින් සියලු දෙනා පළමු ආසාදිතයින්ගේ ආශ්‍රිතයින් වනවා.
මේ වන විට මෙරටින් වාර්තා වන සමස්ත කොවිඩ් ආසාදිතයින් සංඛ්‍යාව 14,101ක් දක්වා ඉහළ ගොස් තිබෙනවා. ඉන් ආසාදිතයින් 8880 දෙනෙකු පුර්ණ සුවය ලබා ඇති බවත් රෝහල් ගතව සිටින පිරිස 5186ක් වනවා.
මිනුවන්ගොඩ සහ පෑලියගොඩ කොව්ඩ් පොකුරෙන් මේ වන විට වාර්තා වන සමස්ත ආසාදිතයින් සංඛ්‍යාව 10619 දක්වා ඉහළ ගොස් තිබෙනවා.