අද උදෑසන 5.00 වන විට කොරෝනා රෝගීන් සඳහා ප්‍රතිකාර කරනු ලබන රෝහල් 13 තුළ ඉතිරිව ඇත්තේ ඇදන් 170ක් පමණක් බව කොවිඩ්- 19 පැතිරිම වැළැක්වීමේ ජාතික ක්‍රියාන්විත මධ්‍යස්ථානය සඳහන් කර සිටිනවා.
මෙම රෝහල් 13 තුළ ඇදන් ධාරිතාව 1712 ක් වන අතර ඉන් ඇදන් 1542 ක මේ වන විට කොරෝනා ආසාදිත රෝගීන් නේවාසික ප්‍රතිකාර ලබමින් සිටිනවා.
මෙලෙස ප්‍රතිකාර ලබන පිරිසෙන් 127 දෙනෙකු විදේශ ගතව සිට මෙරටට පැමිණීමෙන් පසු කොරෝනා වෛරසයට ආසාදනය වූ පුද්ගලයින් වන අතර සෙසු රෝගීන් 1415 දෙනා මිනුවන්ගොඩ බ්‍රැන්ඩික්ස් කර්මාන්ත ශාලාව හරහා ඇතිවූ රෝගීන් වනවා.
මේ අතර කොරෝනා රෝගීන්ට ප්‍රතිකාර කිරිම සඳහා උතුර ප්‍රදේශයේ ඇදන් 100 ක ධාරිතාවයකින් යුත් රෝහලක් ඉදිකිරීමට කටයුතු කරන බවට යුධ හමුදාපති ලුතිනන් ජනරාල් ශවේන්ද්‍ර සිල්වා ඊයේ පැවති සාකච්ජාවකදී උපදෙස් ලබාදී තිබෙනවා.