කොවිඩ් 19 වසංගත කාලයේ මැතිවරණය පැවැත්වීම සඳහා රුපියල් කෝටි 1300ක පමණ මුදලක් වැය කිරීමට සිදුවෙන බව මැතිවරණ කොමිසම සඳහන් කරයි.
සාමාන්‍ය වාතාවරණය යටතේ මැතිවරණය පැවැත්වීමට කෝටි 700ක පමණ මුදලක් වැය වෙතැයි දළ වශයෙන් ගණන් බලා තිබුණි. එහෙත් කොරෝනා වාතාවරණය යටතේ සෞඛ්‍ය උපදෙස් පිළිපදිමින් ඡන්දය පැවැත්වීම සඳහා මීට අමතරව තවත් රුපියල් කෝටි 600ක පමණ මුදලක් වැය කිරීමට සිදුවෙන බව පක්ෂ ලේකම්වරුන්ගේ සාකච්ඡාවේදී අනාවරණය වී ඇත.
(ඉරිදා ලංකාදීප)