ණය ප්‍රතිව්‍යුහගත කිරීම සහ එහි විදේශ විනිමය හිඟය කළමනාකරණය කිරීම සම්බන්ධයෙන් වන සැලැස්මක් සම්බන්ධයෙන් ශ්‍රී ලංකාව ලබන මාසයේ දී ජාත්‍යන්තර මූල්‍ය අරමුදල (IMF) සමඟ සාකච්ඡා ආරම්භ කිරීමට නියමිතව ඇති බව රොයිටර් පුවත් සේවය වාර්තා කර සිටිනවා.
ශ්‍රී ලංකාව සම්බන්ධයෙන් වන වාර්තාවක් ජාත්‍යන්තර මුල්‍ය අරමුදල වෙත ඉදිරිපත් කිරීම සඳහා ලබන මස මැද භාගයේදී මුදල් අමාත්‍ය බැසිල් රාජපක්ෂ අමෙරිකාවේ, වොෂින්ටන් නුවර බලා යෑමට නියමිත බවයි මේ සම්බන්ධයෙන් වාර්තා වන්නේ.
ජුලි මාසයේදී කල් පිරෙන ඩොලර් බිලියනයක ජාත්‍යන්තර ස්වෛරී බැඳුම්කරයක් ඇතුළුව මේ වසරේ දී ඩොලර් බිලියන 4 ක පමණ විදේශ ණය ගෙවීමට සිදුව ඇත.
කෙසේ වුවත් ඉදිරි සති කිහිපය තුළ ජාත්‍යන්තර මුල්‍ය අරමුදලේ නිලධාරීන් සමඟ ශ්‍රී ලංකා බලධාරීන් අතර ඉදිරියේදී පැවැත්වීමට නියමිත සාකච්ජාව ණය ප්‍රතිව්‍යුහගත කිරීමේ අරමුණින් නොවන බවයි මහ බැංකු අධිපති අජිත් නිවාඩ් කබ්රාල් ට්විටර් සටහනක් තබමින් සඳහන් කර සිටියේ.