අහසට වෙඩි තබා තම දරුවා පැහැරගෙන ගිය බවට වාර්තා වූ හොරණ නීලක නැමැත්තා පොලිස් වෙඩි පහරින් ජිවිතක්ෂයට පත්ව තිබෙනවා.
සිය මිත්තණිය භාරයේ සිටි දරුවෙකු පැහැරගෙන ගොස් තිබුණේ හොරණ, කඳන ප්‍රදේශයේදී. අදාළ දරුවාගේ පියා වන හොරණ නීලක නැමැත්තා විසින් එම පැහැරගැනීම කර ඇති බව පොලිසිය පැවසුවේ.
සැකකරු මිනීමැරුම් ඇතුළු අපරාධ රැසකට සම්බන්ධ අයෙකු වන අතර නීලක නැමැත්තා අදාල නිවස ඉදිරිපිටට පැමිණ ටී 56 ගිනි අවියකින් අහසට වෙඩි තබා මෙලෙස සිය දරුවා පැහැරගෙන ගොස් තිබුණා.
ඔහු මීට සතියකට පමණ ඉහත දී සිය බිරිඳගේ අත්පා වෙන් වන ලෙස තියුණු ආයුධවලින් කපා බරපතල තුවාල සිදුකර ඇත.
එම සිද්ධියෙන් අනතුරුව ඔහුගේ දරුවා නැන්දම්මා භාරයේ සිට ඇති අතර හෙට දින පරිවාස භාරයට පත් කිරීමට නියමිතව සිට ඇති බව සඳහන්.