ඊයේ දිනයේදී කොවිඩ් ආසාදිතයින් 895 දෙනෙකු වාර්තා වී ඇති බව කොවිඩ් -19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය සඳහන් කර සිටිනවා. එම ආසාදිතයින් හඳුනා ගෙන ඇත්තේ සිදුකළ PCR පරීක්ෂණ 5,159 කින් වන අතර, ප්‍රතිශතයක් ලෙස බැලුකල ආසාදිතයින් හඳුනා ගැනීමේ සම්භාවිතාව 17.34% අගයක් ගනු ලබනවා.
ඊයේ දිනයේදී වාර්තා වූ ආසාදිතයින් අතුරින් 218 දෙනෙකු කොළඹ දිස්ත්‍රික්කයෙන් වාර්තාවී ඇත. කොළඹ දිස්ත්‍රික්කයේ පිළියන්දල ප්‍රදේශයෙන් ආසාදිතයින් 71ක්, තලංගම 30ක්, කොළඹ – කොටුව 19ක්, කොට්ටාව 18ක්, මොරටුව 11ක් ලෙස ආසාදිතයින් වැඩි වශයෙන් වාර්තා වී තිබෙනවා.
මේ අතර කුරුණෑගල දිස්ත්‍රික්කයෙන් කොවිඩ් ආසාදිතයින් 150 දෙනෙකු වාර්තා වී ඇත. එම දිස්ත්‍රික්කයේ වැල්ලව ප්‍රදේශයෙන් 95ක් ද, කුලියාපිටියෙන් 20ක්, කුඹුක්ගැටේ 12ක් ලෙස වාර්තා වී ඇත.
ඊයේ දිනයේදී කළුතර දිස්ත්‍රික්කයෙන් ආසාදිතයින් 147 දෙනකු වාර්තා වී ඇත. බේරුවල ප්‍රදේශයෙන් 93ක්, කළුතර 32ක් සහ කළුතර බන්ධනාගාරයෙන් ආසාදිතයින් 10ක් වාර්තා වී ඇත.
මිට අමතරව ගම්පහ දිස්ත්‍රික්කයෙන් ද ආසාදිතයින් 129 දෙනෙක් වාර්තා වී ඇත. ඉන් වැඩිම ආසාදිතයින් 48ක් දිවුල්පිටියෙන් සහ 17 දෙනෙකු රාගම ප්‍රදේශයෙන් වාර්තා වූ බවයි කොවිඩ් -19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය සඳහන් කළේ.
ඊයේ දිනයේදී සිදුකළ PCR පරීක්ෂණ 5,159 ක් සිදුකර ඇති අතර ප්‍රතිශතයක් වශයෙන් ගත් කළ සිදුකළ PCR පරීක්ෂණ මගින් කොවිඩ් ආසාදිතයින් හඳුනා ගැනීමේ ප්‍රතිශතය සීයයට 17ක අගයක් ගනු ලබනවා.
මේ අතර ඊයේ දිනයේදී පුත්තලම දිස්ත්‍රික්කයෙන් ආසාදිතයින් 49ක්, මහනුවර 18ක්, ගාල්ල 10ක්, යාපනය 20ක්, කෑගල්ල 14ක්, අනුරාධපුර 07ක්, ත්‍රිකුණාමලය 09ක්, මොණරාගල 18ක්, මාතර 01ක්, හම්බන්තොට 18ක්, පොළොන්නරුව 01ක්, මාතලේ 22ක්, අම්පාර 16ක්, බදුල්ල 11ක්, මුලතිව් 08, නුවරඑළිය 04, මන්නාරම 01, රත්නපුර 09 සහ විදේශගතව සිට පැමිණි පුද්ගලයින් 15 දෙනෙකු ආසාදිතයින් ලෙස වාර්තා වී ඇත.