ඊයේ දිනයේ දී මෙරටින් කොවිඩ් ආසාදිතයින් 344 දෙනෙකු වාර්තා වී ඇති බව කොවිඩ් -19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය නිවේදනය කර සිටිනවා. එලෙස වාර්තා වූ කොවිඩ් ආසාදිතයින් සමග මෙරට සමස්ත ආසාදිතයින් ගණන 86,039ක් වනවා.
එලෙස වාර්තා වූ ආසාදිතයින් ගෙන් දැනට රෝහල් ගතව සිටින පිරිස 3,024ක් වන අතර සුවය ලබා ඇති පිරිස 82,513ක් වනවා.
මේ අතර ඊයේ දිනයේ දී මෙරටින් කොරෝනා මරණ 5ක් වාර්තා වීමත් සමග සමස්ත කොරෝනා මරණ සංඛ්‍යාව 507ක් දක්වා ඉහළ ගොස් තිබෙනවා.
රජයේ ප්‍රවෘත්ති දෙපාර්තමේන්තුව නිකුත් කළ නිවේදනයට අනුව මියගිය පිරිස අතර 19 හැවිරිදි තරුණියක් ද වනවා.
හෙම්මාතගම ප්‍රදේශයේ පදිංචිකාරියක වන ඇය මහනුවර මහරෝහලේ ප්‍රතිකාර ලබමින් සිටියදී මියගොස් ඇති අතර මරණයට හේතුව ලෙස දැක්වෙන්නේ, කොවිඩ් නියුමෝනියාව සහ මොලයේ ඇති වූ ගැටිත්තකි (Tumor). මිය ගිය අනෙක් සිව් දෙනා අතරින් තිදෙනකු ම කාන්තාවන්.