ගතවූ දිනයේ දී මෙරට වැඩිම කොවිඩ් ආසාදිතයින් වාර්තා වී ඇත්තේ නුවරඑළිය ප්‍රදේශයෙනි. එම සංඛ්‍යාව 30ක් වන අතර සමස්ත නුවරඑළිය දිස්ත්‍රික්කයේ වාර්තා වන ආසාදිතයින් ගණන 48කි.
කොළඹ ආසාදිතයින් ගණන ද යලි සියය ඉක්මවා ගොස් ඇති අතර (164), ඉන් වැඩිම පිරිසක් (25) මිරිහාන ප්‍රදේශයේ ය.
කොටුව ආශ්‍රිතව ආසාදිතයින් 16ක්, බොරලැස්ගමුවේ 18ක් ලෙස ද පිලියන්දල ප්‍රදේශයෙන් 15ක් ද ආසාදිතයින් වාර්තා වී ඇත .
ගම්පහ දිස්ත්‍රික්කයේ 76ක් හා කලුතර දිස්ත්‍රික්කයේ 22ක් ලෙස කොවිඩ් ආසාදිතයින් වාර්තා වේ.
ඊයේ සමස්ත ආසාදිතයින් ගණන 466 ක් වන අතර ඉන් දෙදෙනෙකු විදෙස්ගතව සිට පැමිණි අයයි.
මෙරට සමස්ත ආසාදිතයින් ගණන 81932ක් වේ.