මාවනැල්ල රෝහලට අනුයුක්තව සේවය කළ හෙද නිලධාරිනියක් රෝගී තත්ත්වයක් හේතුවෙන් මියගොස් ඇති අතර පසුව සිදු කළ PCR පරීක්ෂණයේදී ඇය කොවිඩ් -19 ආසාදනය වී ඇති බවට හඳුනාගෙන තිබෙන බව කෑගල්ල දිස්ත්‍රික් සෞඛ්‍ය සේවා අධ්‍යක්ෂක වෛද්‍ය කුමාර වික්‍රමසිංහ ප්‍රකාශ කර සිටිනවා.
“පසුගිය 11 වනදා මොළයේ රුධිර නාලයක් පිපිරීමෙන් රෝගී වෙලා මාවනැල්ල රෝහලේ සේවය කරන හෙදියක් මහනුවර රෝහලය ඇතුළත් කරනු ලැබුවා. මේ අවස්ථාවේදී අපි ඇයට ඇන්ටිජන් පරීක්ෂණයක් සිදුකළා. එහිදී එය නෙගටිව් තමයි පෙන්නුම් කළේ. නමුත් 16 වනදා ඇයට මොළයේ සැත්කම කිරීමට පෙර PCR පරීක්ෂණය සිදුකළ අවස්ථාවේ ඒ තුළින් තහවුරු වුණා ඇය කොවිඩ් ආසාදිත බවට. ඉන් අනතුරුව ඇය මියගියා. මියයෑමට ප්‍රධාන හේතුව මොළයේ රුධිර වහනයක් සිදුවීම. එයට සමගාමීව ඇයට කොවිඩ් ආසාදනය වී තිබුණා.” කෑගල්ල දිස්ත්‍රික් සෞඛ්‍ය සේවා අධ්‍යක්ෂකවරයා ප්‍රකාශ කර සිටියා.