ශ්‍රී ලංකා ක්‍රිකට් කණ්ඩායමේ වේග පන්දු ක්‍රීඩක ධම්මික ප්‍රසාද් අද සිය ජාත්‍යන්තර ක්‍රිකට් දිවියට සමුදීමට තීරණය කරනු ලැබුවා. 3 හැවිරිදි වියේ පසුවන ඔහු ටෙස්ට් තරග 25 කට සහ එක්දින තරග 32ක් වෙනුවෙන් ශ්‍රී ලංකා කණ්ඩායම නියෝජනය කරනු ලැබුවා.
බටහිර ඉන්දීය කොදෙව් කණ්ඩායම සමග 2015 වසරේ පැවති ටෙස්ට් සංචාරයේදී අවසන් වරට ශ්‍රී ලංකා පිලි නියෝජනය කළ ඔහු එම වසරේ දී ටෙස්ට් තරග 09ක් තුල කඩුලු 41ක් දවා ගනිමින් වැඩිම කඩුලු ලාභි පන්දු යවන්නන් 10 දෙනා අතරේ පසුවූවා.
උරහිසේ ඇතිවූ ආබාධයක් නිසා ඔහුට ඉන් පසුව ශ්‍රී ලංකා පිල නියෝජනය කිරීමට අවස්ථාව උදානොවූ අතර ලබන මාසයේ ඉන්දියාවේ පැවැත්වෙන රෝඩ් සේෆ්ටි විස්සයි 20 ලෝක කුසලාන තරගාවලියට ඔහු ශ්‍රී ලංකා පිලි නියෝජනය කිරිමට නියමියි.