නව කොරෝනා වෛරසය ආසාදනය වී ඇති බවට තහවුරු වූ රාවුෆ් හකීම් මන්ත්‍රීවරයා පසුගිය ජනවාරි මස 05 වෙනිදා පාර්ලිමේන්තු සැසිවාරය ආරම්භ වූ දිනයේදී සභාවට පැමිණ තිබෙන බව පාර්ලිමේන්තු ආරංචි මාර්ග සඳහන් කර සිටිනවා.
හකීම් මන්ත්‍රීවරයා පාර්ලිමේන්තුවට පැමිණි පසුගිය ජනවාරි 05 වෙනිදා ඔහු සභා ගර්භයේ ද රැඳී සිට ඇති බවත් මේ වන විට ඔහුගේ සමීප ආශ්‍රිතයින් කවුරුන්ද යන්න සම්බන්ධයෙන් පාර්ලිමේන්තුවේ පිහිටි CCTV ආරක්‍ෂිත කැමරා උපයෝගී කර ගනිමින් සොයමින් සිටින බවයි වාර්තා වන්නේ.
රාවුෆ් හකීම් මන්ත්‍රීවරයා සමීපව ඇසුරු කළ සෙසු මන්ත්‍රීවරුන් සහ පාර්ලිමේන්තු සේවකයින් වේ නම් ඔවුන්ව නිරෝධායනයට යොමු කිරීමට සහ අවශ්‍ය සෞඛ්‍ය ක්‍රියා මාර්ග ගැනීම ඉන් අදහස් කරන බවයි පාර්ලිමේන්තුවේ ජේෂ්ඨ නිලධාරියෙක් සඳහන් කළේ.
නව වසරේ පළමු පාර්ලිමේන්තු සැසිවාරය ආරම්භ වුයේ පසුගිය ජනවාරි මස 05 වෙනිදායි.