සෞඛ්‍ය අංශ විසින් අටුලුගම මාරාව ප්‍රදේශයේ 400ක් සඳහා අද PCR සහ ක්ෂණික ප්‍රතිදේහ ජනක පරීක්ෂණ සූදානම් කර තිබුණ ද ඊට සහභාගී වී ඇත්තේ ප්‍රදේශවාසීන් 22 ක් පමණක් බව වාර්තා වේ.
එම ප්‍රදේශයේ පුද්ගලයෙකු සෞඛ්‍ය අංශ නිලධාරීන් ට කෙළ ගැසීමේ සිද්ධිය ට පසු PCR පරීක්ෂණ සිදුකිරීම අඩු වූ අතර ප්‍රදේශවාසීන් ඊට යොමුවීම ද අඩුවිය.
කෙසේ වෙතත් මහජන සෞඛ්‍ය පරීක්ෂකවරුන් පැවසුවේ ආරක්ෂාව යටතේ එම පරීක්ෂණ සිදුකළ හැකිබවයි .
ඒ අනුව අද හමුදා ආරක්ෂාව යටතේ එම ප්‍රදේශයේ පරීක්ෂණ ඇරඹිණි.
තවමත් ප්‍රදේශවාසීන් පරීක්ෂණ මඟහරින තත්ත්වයක් පවතින බවයි වාර්තා වන්නේ.