කොවිඩ් නිසා කලාකරුවෙකු මුහුණ දුන් අමිහිරි අත් දැකීමක්.

කලාකරුවෙකු වන කීර්ති කේ රත්නායක , කොවිඩ් වෛරසය හේතුවෙන් තමා මුහුණ දුන් පෞද්ගලික අත්දැකීමක් මෙලෙස සිය ෆේස්බුක් ගිණුමේ පළකර තිබේ .

“නංගි මැරුණෙ කොරෝන හැදිල නෙවෙයි.අසනීපෙන් හිටිය ගොඩක් කල්.. PHI කියල තිබුණ ඉක්මනින්ම වලදාන්න..කොළඹ ඉඳල අපි ආවොත් නිරෝදානෙ කරනව කිව්වලු. රෑ තිස්සෙම මහන්සි වුණා..කොහොම උනත් දවල් වෙලා. එහෙට මෙහෙට කතා කරල . බලපත්තරයක් අරගෙන.මං විතරක් ගමට ගියා සල්ලිත් තිබුණෙත් නෑ සත්තයි.කොරෝනාව ආපු හින්ද වැඩ තිබුණෙත් නෑ ඇත්තයි.ගෙදර හදන වැඩ හින්දා හැම සතයම හිඳිල තිබුණෙ.අවුරුදු විසිපහක් විතර. කලාව කෙරුවට අම්මප.හදිස්සියට ගන්න කියල කීයක්වත් නොතිබුණු හැටි.. පර්ස් එකේ අස්සෙ තිබුණ රුපියල් දාහක් අරගෙන .බිරිඳ කිව්ව ගිහින් එන්න.. ළඟම යාලුවගෙනුත් අරං. වාහනේට තෙල් ගහගෙන .හයිවේ එකටත් ගෙවලා අමාරුවෙන්.. මං ආවා..ඒත් ඉතිං මං යනකොට. භූමදානෙ ඉවරවෙලා.. ..!පැය කීපයකින් බලපත්තරෙ ඉවරවෙනව. ආපහු මට එන්න වෙන්නෙ .හත් දවසේ දානෙ නැතිව.. අම්මපල්ල හිතුණේ මට කොරෝන හැදිලා මැරෙන්න.කොරෝන වලටත් වැඩියෙන් .භයානකම ලෙඩක් තියනො. TV එක.. ගමේ ඈයො හිතං ඉන්නෙ මුලු කොළඹම ලෙඩ්ඩු කියල. කොළඹින් එන රෝග බයට .තේ උගුරක් බිව්වේ නැතිව මුන වහන් ගමේ ඈයො ඉක්මනිම ඇවිත් ගියා. පෙට්ටිය කරගහන්නවත් කවුරුවත්ම හිටියෙ නෑලු…මුනු පොතේ ගොඩක් ඈයො. කනගාටුයි කියල තිබුණ.පින්සිදුවෙයි.ඒහැමටම. ..(මම ආපහු කොළඹ එනව.ඒත් කීසැරයක් නම් අපට නොමැරී මැරෙන්න වේවිද..කලාව හින්ද අපට සම්මාන නම් හම්බවෙලා තියනව. ..සඳුද කොළඹ ඇරියම වාහනේ ලීස් එක ..නිවාස ලෝන් වාරික ගෙවන්න කියල අවසාන නිවේදනය ලැබෙන බව නම් දන්නව )..”