මිනුවන්ගොඩ ඇගළුම් කර්මාන්ත ශාලාව ආශ්‍රිතව ඇතිවූ කොවිඩ් -19 පොකුර හේතුවෙන් සෞඛ්‍ය ධාරිතාව සඳහා දරාගැනීමට ඇති හැකියාව ඉක්මවා යාමේ අවධානමක් උද්ගතවී ඇති බව රජයේ වෛද්‍ය නිලධාරීන්ගේ සංගමය පෙන්වා දෙනවා.
රජයේ වෛද්‍ය නිලධාරීන්ගේ සංගමයේ ඉල්ලීම මත සෞඛ්‍ය අමාත්‍යවරියගේ ප්‍රධානත්වයෙන් පැවති විශේෂ සාකච්ජාවේදී ඒ සම්බන්ධයෙන් ගත යුතු යෝජනා 10ක් ඉදිරිපත් කළ බවයි එම සංගමය නිවේදනය කර සිටින්නේ.
එම යෝජනා අනුව සෞඛ්‍ය සේවකයින් එකවර කොවිඩ් 19 රෝගයට නිරාවරණය වීම වැළැක්වීම සඳහා රෝග ව්‍යාප්තිය අවදානම් දිස්ත්‍රික්ක වල රෝගීන් වාර්තා වන ආකාරය අනුව සෞඛ්‍ය සේවකයින් සෞඛ්‍ය කාර්ය මණ්ඩලය විඩාවට පත්නොවන ලෙස රෝහල් තුළ සිදු කෙරෙන දෛනික කටයුතු තාවකාලිකව ලිහිල් කිරීමට පියවර ගන්නා ලෙස ඉල්ලා ඇත. ඒ
එමෙන්ම වසංගත රෝග නිවාරණ ඒකකය සතු දත්ත කොවිඩ් මර්ධන ක්‍රියාවලියට සම්බන්ධ පාර්ශව අතර බෙදා ගැනීම හා කොවිඩ් 19 රෝගීන් සහ ආශ්‍රිතයින් GPS තාක්ෂණය භාවිතා කර ව්‍යාප්තිය සිතියම් ගත කිරිම මගින් කොවිඩ් 19 රෝගීන් හා ආශ්‍රිතයින් සහිත රතු කලාප වල සංචරණ සීමා කරන නීති පනවන ලෙස රජයේ වෛද්‍ය නිලධාරීන්ගේ සංගමය සිය යෝජනා වලට ඇතුලත් කොට ඇත.
රජයේ වෛද්‍ය නිලධාරීන්ගේ සංගමය ඉදිරිපත් කළ යෝජනා 10 පහතින් දැක්වේ.
