දිවුලපිටිය ප්‍රදේශයේ නව කොරෝනා වෛරසය ආසාදනය වූ 16 හැවිරිදි සිසුවිය ඉගෙනුම ලැබූ පාසැලේ සිසු සිසුවියන් 48 දෙනා ඇතුළු ගුරුවරුන් හා සේවකයින් 53 දෙනා හට නව කොරෝනා වෛරසය ආසාදනය වී නොමැති බවට සිදුකළ PCR පරීක්ෂණ වලදී තහවුරු වී තිබෙනවා.
ප්‍රදේශයේ සෞඛ්‍ය බලධාරීන් සඳහන් කළේ දිවුලපිටිය ප්‍රදේශයෙන් පළමුවෙන් වාර්තා වූ කොරෝනා ආසාදිත ඇඟළුම් කර්මාන්ත ශාලා සේවිකාවගේ දියණියට වෛරසය ආශ්‍රිත බවට හඳුනා ගැනීමත් සමග එම පාසැලේ සිසු සිසුවියන් 1300 කට ආසන්න පිරිසකට ස්වයං නිරෝධායනය වෙන ලෙස දැනුම් දුන් බවයි.
මේ වන විට PCR පරීක්ෂණ සිදුකල සිසු සිසුවියන්ගෙන් 42 දෙනෙකු මීගමුව ප්‍රදේශයේ පිහිටි නිරෝධායන මධ්‍යස්ථානයකට යොමු කොට ඇති අතර තවත් 06 දෙනෙකු නිවෙස්වල නිරෝධායනය වෙමින් සිටියි.