ශ්‍රී ලංකා කාන්තා ක්‍රිකට් ක්‍රීඩක පූජානි ලියනගේ (33) අද කුරුණෑගල කටුපොත ප්‍රදේශයේදී සිදුවූ රිය අනතුරකින් මිය ගොස් තිබෙනවා.
ඇය ශ්‍රී ලංකාව කණ්ඩායම නියෝජනය කරමින් තරග වලට ක්‍රීඩා කර නොතිබූ අතර ඇය ශ්‍රී ලංකාවේ ජාතික කාන්තා ක්‍රිකට් කණ්ඩායම් සංචිතයට එක් කොට සිටියාය.
පා දඟ පන්දු යවන ක්‍රීඩිකාවක් වන ඇය දේශීය ක්‍රිකට් පිටියේ මෙන්ම පළාත් කාන්තා ක්‍රිකට් තරගාවලදී දස්කම් දැක්වූ ප්‍රවීණ ක්‍රීඩිකාවක් වනවා.
හිටපු ශ්‍රී ලංකා කාන්තා ක්‍රිකට් නායිකා ශෂිකලා සිරිවර්ධන Newswire.lk වෙබ් අඩවිය වෙත තහවුරු කළේ අද පෙරවරුවේ පූජානි පැදවූ යතුරුපැදිය වෙනත් වාහනයක ගැටීමෙන් මෙම ඛේදවාචකය සිදුව ඇති බවයි.