දිවයිනේ සියලුම විශ්ව විද්‍යාලවල අවසන් වසරේ සිසුන්ගේ විභාග කටයුතු අදියර කිහිපයක් යටතේ ජුනි මස 22 වෙනිදා සිට ආරම්භ කරන බවට උසස් අධ්‍යාපන අමාත්‍ය ආචාර්ය බන්දුල ගුණවර්ධන ප්‍රකාශ කර සිටිනවා.
මෙහිදී අදහස් දැක්වූ විශ්ව විද්‍යාල ප්‍රතිපාදන කොමිෂන් සභාවේ සභාපති මහාචාර්ය සම්පත් අමරතුංග සඳහන් කලේ සියලුම විශ්ව විද්‍යාල පීඨයන්හි අවසන් වසරේ සිසු සිසුවියන් සඳහා අවසන් විභාගය ජුනි මස 22 වෙනිදා ආරම්භ කරන බවත් එය අගෝස්තු මස 15 වෙනිදාට පෙර අවසන් කිරීමට උපකුලපතිවරුන් සමග සාකච්ජා කොට ඇති බවයි.
එම විශ්ව විද්‍යාලවල උපකුලපතිවරුන් සහ අංශ භාර ප්‍රධානින් සමග විශ්ව විද්‍යාල ප්‍රතිපාදන කොමිෂන් සභාව සිදුකළ සාකච්ජා වලදී අදියර කිහිපයක් යටතේ එම විභාග පැවැත්වීමට අවශ්‍ය කාලසටහන් සැකසීම සහ පැමිණෙන සිසු සිසුවියන්ට අවශ්‍ය නේවාසික පහසුකම් සෞඛ්‍ය ආරක්‍ෂිත ක්‍රමවේදයන්ට යටත්ව ලබාදීමට අවශ්‍ය විධි විධාන සහ උපදෙස් ලබාදීම සිදුකළ බවයි කොමිෂන් සභාපතිවරයා පැවසුවේ.