මෙවර කවර හෝ සිද්ධස්ථානයක පවත්වනු ලබන පෙරහැරවල් සහභාගීවීමට සහ එය නැරඹීමට මහජනතාවට අවසර නොලැබෙන බව ජනාධිපති ලේකම් කාර්යාලය නිවේදනය කර සිටිනවා.
වාර්ෂික පෙරහර මෙවර සංවිධාන කළයුතු ආකාරය පිළිබඳව කොවිඩ් මර්දන ජනාධිපති කාර්ය සාධක බලකායේ සහභාගීත්වයෙන් අද (12) දහවල් ජනාධිපති කාර්යාලයේ පැවති සාකච්ඡාවේදී ජනාධිපති ගෝඨාභය රාජපක්ෂ මහතා මෙම උපදෙස් ලබා දෙනු ලැබුවා.
සාම්ප්‍රදායික සහ ආගමික චාරිත්‍රවලට ප්‍රමුඛත්වය දෙමින් ප්‍රධාන පූජ්‍යස්ථානවල හා දේවාලවල මෙවර පෙරහර සංවිධාන කරන ලෙස ජනාධිපති ගෝඨාභය රාජපක්ෂ මහතා දියවඩන නිලමේ ඇතුළු බස්නායක නිළමේවරුන්ට උපදෙස් ලබා දෙනු ලැබුවා.
