සීෂෙල්ස් ජාතිකයන් 35 දෙනෙකු අද පස්වරුවේ මෙරටට පැමිණියා. ඔවුන් රැගත් එයා සීෂෙල්ස් ගුවන් සේවයට අයත් විශේෂ ගුවන් යානය අද පස්වරු 2.45 ට පමණ කටුනායක ගුවන් තොටුපළ වෙත ළඟා වූ බවයි ගුවන් තොටුපළ වාර්තාකරු සඳහන් කළේ.
සීෂෙල්ස් රජයේ ඉල්ලීමක් අනුව මෙම පිරිස දිවයිනට පැමිණ ඇත්තේ වෛද්‍ය ප‍්‍රතිකාර ලබා ගැනීම සඳහායි. ඒ සම්බන්ධයෙන් කළ කරුණු විමසීමකදී විදේශ කටයුතු පිළිබඳ ජනාධිපති අතිරේක ලේකම් විශ‍්‍රාමික අද්මිරාල් ජයනාත් කොළඹගේ ප්‍රකාශ කර සිටියේ රාජ්‍ය තාන්ත්‍රික වශයෙන් සිදුකළ ඉල්ලීමක් අනුව මෙම අවසරය ලබාදීමට පියවර ගත් බවයි.